Un dos xeitos de sermos é coñecer e saber do noso patrimonio inmaterial. Dentro dese acervo tan impresionante e variado que o pobo galego foi herdando xeración tras xeración están as festas cíclicas. Moitas destas corren perigo de se perder ou de seren desvirtuadas ao faceren delas lugares de festa mais sen coñecer o porqué delas e a súa orixe. Este é o obxectivo que presenta esta actividade, darlles a coñecer aos nenos e nenas o noso patrimonio inmaterial versado desta volta nas festas cíclicas: entroido, maios, cacharelas, samaín.
Festas cíclicas
Proposta de materiais para o coñecemento da lingua galega da Concellería de Normalización Lingüística do Concello de Vigo.
