Esta actividade pertence ao programa:
Entroido en Bouzas (febreiro 2023)
Datas de celebración: 18 e 25 (pola tarde) de febreiro de 2023 na Praza Suárez Llanos na Alameda de Bouzas
A Asociación Cultural Vila de Bouzas quere rescatar as festas e tradicións e así celebralas nas rúas da nosa vila. O entroido é unha das nosas favoritas.
O sábado 18 pola tarde estaremos bailando todas as mascaritas, meigas, superheroes... nun ambiente familiar, na Praza Suárez Llanos, para inundar a Alameda de Bouzas de ambiente entrodeiro. Grazas á iniciativa do grupo Sehiba, á colaboración de alumnos da Escola de Imaxe e Son e aos negocios de Bouzas, imos ter concerto ás 19:00 h na Alameda.
E o sábado 25, tamén pola tarde, partirá da Alameda o mundialmente coñecido III Enterro da Rincha, acompañados pola charanga Trébede e dando lectura ao testamento antes de levar á Rincha e á Rinchicha cara ao mar no barco-fúnebre da Asociación de Mariñeiros Artesanais e Deportivos San Miguel de Bouzas.
Todo o mundo... disfrazado!
Volver atrás