Tempo de san Xoán (xuño 2019)

Tempo de san Xoán (xuño 2019)

COMPLETAS TODAS AS PRAZAS

A Concellaría de Normalización Lingüística en colaboración coa Casa da Xuventude e co Centro Cultural de Matamá organiza estas actividades baseadas no tempo de san Xoán.

 

Haberá:

un obradoiro de 12 horas na Casa da Xuventude

e o domingo 23 de xuño unha charla e paseo pola parroquia de Matamá

NA CASA DA XUVENTUDE (rúa López Mora, 31)
    Obradoiro tempo de san Xoán. Un paseo pola vexetación e cultura

    Datas: 4, 6, 11, 13, 18 e 20 de xuño de 2019
    Horario: de 18:00 a 20:00
    12 horas (6 h de parte teórica e 6 h de parte práctica)

PARTE TEÓRICA:
*Aula 1 "Que baila o sol cando nace"*
-O solsticio de verán dentro do ciclo festivo galego
-O sol, a auga, o lume e a vexetación
*Aula 2 "Cun pozo e un malvar, boticario dun lugar"*
-As plantas de San Xoán: identificación propiedades...
-As froiteiras
*Aula 3 "Por ser noite de San Xoán, téñoche medo Maruxa"*
-As crenzas e costumes
-O mundo mitolóxico de Antonio Fraguas
-Escolma literaria


PARTE PRÁCTICA estará dedicada a preparados de 9 plantas do San Xoán. Decoccións, cataplasmas, emplastos, oleatos (aceites macerados), infusións, vinagres, ungüentos e un licor (de ruda).
*Aula 1 "O hipérico, a ruda e o sabugueiro"*
*Aula 2 "O romeu, as mentas e o tormentelo"*
*Aula 3 "A arzaia, a herba luísa e a herba cidreira"*

Inscricións de balde na web do Servizo de Normalización Lingüística cubrindo o formulario https://snl.vigo.org/inscricion (poñer na actividade: herbas de san Xoán)

 


NO CENTRO CULTURAL DE MATAMÁ (rúa dos Canteiros, 53)
    Domingo, 23 de xuño de 2019
    Duración aproximada: 3 horas
    
    CHARLA: A orixe pagá: o lume, a auga, a vexetación. O cacho. Formas de elaboración. Ás 17:30 h

    PASEO: POLA PARROQUIA, DENDE O CENTRO CULTURAL a partir das 18:30 h.

Non é necesaria inscrición para esta actividade en Matamá.

Colleita e explicación de todas as herbas aromáticas e medicinais que aparezan durante o percorrido. Salientamos a moita variedade de plantas e o elevado valor cultural dalgunhas delas.

Máis sobre o programa Festas cíclicas