O obradoiro ten un enfoque práctico, buscando complementar os contidos máis teóricos do tema con un conxunto de actividades atractivas e divertidas que permitan ao alumnado aproximarse a comprensión da percepción dun xeito sinxelo e sorprendente

Sen dúbida, a cromatografía é un excelente punto de partida para iniciar ao alumnado no traballo experimental. No seguinte obradoiro a proposta é levar a cabo tres tipos de cromatografías en papel distintas e ir descubrindo a súa utilidade práctica no traballo científico.

Sen dúbida, unha das mellores ideas para achegar a ciencia a sociedade é a Ciencia Cidadá. Que as persoas que o desexen poidan colaborar cos científicos recollendo datos que posteriormente serán utilizados en proxectos científicos. No obradoiro presentamos algúns recursos e ferramentas que permitan ao alumnado coñecer as posibilidades que ofrece e incluso iniciar o seu propio proxecto.

Neste segundo bloque temos contidos máis complexos. Son axeitados para traballar con alumnado de últimos cursos da eso. Inclúen recursos online para ser utilizados en caso de ter interese en afondar no campo da ciberseguridade.

A ciberseguridade e o hacking son dous temas que xeran moito interese no alumnado. A proposta e realizar duas sesións de actividades prácticas de ciberseguridade. A primeira, ten contidos moi sinxelos e atractivos para todo o alumnado.

Tal como explicamos no vídeo da presentación, é importante transmitir aos estudantes que a química e máis que aprender a táboa periódica dos elementos. É comprender a materia e as interacción atómicas. O obradoiro é un conxunto de experiencias pensadas para poder ser desen voltas en calquera centro sen precisar equipamento de laboratorio, so utilizando materiais domésticos.

A xenética é un dos temas que máis chaman a atención aos estudantes. Nos contidos do taller preparamos vídeos con experimentos moi básicos que se complementa cunha extracción de ADN.

A electricidade é unha temática moi atractiva para o alumnado e que permite facer experimentos moi sinxelos e de gran espectacularidade. Este obradoiro pode dividirse en dúas sesións. Unha primeira exploratoria sobre a electricidade na que se desenvolvan os experimentos dos catro primeiros vídeos e unha segunda cos outros dous levando a cabo pequenas investigacións asociadas.

Ao tratarse dunha actividade, para infantil, recomendamos facer un ou dous experimentos por sesión, dedicando un máximo de media hora a cada sesión para evitar que perdan a atención. As propostas son todo experimentos moi visuais e manipulativos que permitirán ás nenas e os nenos aproximarse á Ciencia a través do xogo e a experimentación. É importante deixarlles certa liberdade creativa, e que se pregunten o porqué dos procesos observados.