A Consellería de Educación, Ciencia, Universidades e Formación Profesional convoca cursos de linguaxe administrativa galega en liña (niveis medio e superior) e mais cursos preparatorios para a obtención dos certificados de lingua galega (niveis Celga 2, 3 e 4), que se impartirán nas escolas oficiais de idiomas de Galicia no curso 2024/2025.

O prazo para a presentación das solicitudes abranguerá dende o día 1 ata o 12 de xullo de 2024, para os cursos do primeiro cuadrimestre (setembro-decembro)

Participarán: o alumnado de narración oral e poesía do CIOV do ano 2024, o profesor de narración oral Dani Blanco e a profesora de poesía Silvia Penas.

Por problemas de saúde, é necesario adiar esta actuación.

Participarán: o alumnado de regueifas do CIOV do ano 2024, o mestre Kike Estévez e, como invitado, o regueifeiro Bieito Lobariñas.

Obxectivos

-Fomentar o interese por descubrir a beleza e a mensaxe que todo bo poema achega.
-Atender ás diferenzas individuais do alumnado e descubrir neles e nelas posibles aptitudes poéticas e de interpretación dramática.
-Introducilos no coñecemento dos valores poéticos cos que conta a lingua galega e a poesía galega tradicional e contemporánea.
-Desenvolver a memoria e a imaxinación.
-Alcanzar maior riqueza léxica, dominio e articulación, entoación e pronunciación, así como maior destreza para a oralidade: falar, expoñer, comunicar en público.

Para inscribirse deben enviar un correo co seu nome e número de teléfono a actividades.snl@vigo.org

Programa do acto do martes, 30 de abril de 2024 por Félix e Cástor Castro Vicente. De 17:00 20:00

Os monstros nos pregos de cordel e na cultura popular galega

Na súa comunicación os Irmáns Castro darán unha visión sobre os monstros que tratou o antropólogo Vicente Risco nos seus traballos, en ocasións procedentes de pregos de cordel e falarán destes seres na cultura popular, facilitándonos unha clasificación tipolóxica, aportando ademáis unha visión panorámica das súas investigacións e descubertas sobre Manuel Blanco Romasanta, o lobishome de Esgos, con especial fincapé na tradición oral que se conserva do caso.

Non é necesaria ningunha inscrición para asistir ao monográfico.

No mes de abril de 2024, van ter lugar os seguintes monográficos no Verbum (Avda. de Samil, 17):

• Xoves, 25 de abril. A musicalidade da palabra por Paco Barreiro
• Martes, 30 de abril. Os monstros nos pregos de Cordel e noutros escritos por Félix e Cástor Castro Vicente

Non é necesaria ningunha inscrición para asistir aos monográficos.

Programa do acto do xoves, 25 de abril de 2024 por Paco Barreiro. De 17:00 20:00

        ►A MÚSICA DA PALABRA, melodía, ritmo e silencio.

A importancia da lingua (órgano) na expresión oral da lingua (fala). As sete vogais, execución e conciencia.
Ritmo e intensidade, a súa relación intrínseca.
A frase e a entoación.

A PALABRA DA MÚSICA.

Posibles acompañamentos musicais do texto trala busca do seu propio ritmo (poesía, narración, teatro etc.).

No mes de abril de 2024, van ter lugar os seguintes monográficos:

• Venres, 19 de abril. Oratoria e filosofía de taberna por Manoel da Costa
• Martes, 23 de abril. O feito trobadoresco na súa globalidade oral por Xabier Ron
• Xoves, 25 de abril. A musicalidade da palabra por Paco Barreiro
• Martes, 30 de abril. Os monstros nos pregos de Cordel e noutros escritos por Félix e Castor Castro Vicente

Non é necesaria ningunha inscrición para asistir aos monográficos.

No mes de abril de 2024, van ter lugar os seguintes monográficos no Verbum (Avda. de Samil, 17):

• Martes, 23 de abril. O feito trobadoresco na súa globalidade oral por Xabier Ron
• Xoves, 25 de abril. A musicalidade da palabra por Paco Barreiro
• Martes, 30 de abril. Os monstros nos pregos de Cordel e noutros escritos por Félix e Castor Castro Vicente

Non é necesaria ningunha inscrición para asistir aos monográficos.


Programa do acto do martes, 23 de abril de 2024 por Xabier Ron. De 17:00 20:00

        ►A idea central é tratar o feito trobadoresco na súa globalidade oral: o texto que hoxe lemos e a melodía que se pode deducir dos Pergamiños Vindel (cantigas de amigo de Martín Códax) e o Pergamiño Sharrer (cantigas de amor do rei portugués Don Denis).
    A través dunha serie de textos debullaremos a importancia da oralidade na creación poética trobadoresca. Farémolo mergullándonos nas cantigas de escarnio e na conformación de certos ciclos coma o escándalo da Ama e veremos tamén a importancia da comunicación cifrada, segreda, para que os trobadores puidesen manifestar o seu amor á poderosa señora. Chamaremos a atención sobre formas de executar a poesía medieval (atenderemos a outras  manifestacións tal como o Poema de Mío Cid, as cancións trobadorescas en occitano e algunhas da nosa lírica).