Meu: coñecéndonos, descubríndonos

Campaña de dinamización lingüística da Concellería de Normalización Lingüística do Concello de Vigo

É un programa ambicioso en accións e intencións que tenta achegarnos a Vigo a través do seu patrimonio e toponimia. Aprender a historia da lingua e ampliar o coñecemento do galego a través da toponimia, e asemade, sensibilizar, valorar, recuperar e transmitir o noso patrimonio e lingua.

Programa de actividades de Meu: coñecéndonos, descubríndonos

  • Curso de auga doce, febreiro-marzo 2018

    Curso de auga doce, febreiro-marzo 2018

    Rematado o prazo de inscrición
    O curso dos ríos, vertebradores desde sempre do noso territorio e da nosa relación co espazo, empregados como fonte de recurso e incorporados ao noso patrimonio inmaterial na elaboración de lendas, mitos, léxico ou fraseoloxía, atesouran unha grande riqueza lingüística e cultural que é de todas e de todos, de aí a importancia de dala a coñecer e facilitar o acceso a ela.
    Neste curso profundaremos no coñecemento dalgúns aspectos da lingua galega seguíndomos os cursos dos nosos ríos e regatos, e de todo canto medrou e medra ao longo das súas bacias e máis da historia que os acompaña, ese outro río.

    O curso remata cunha saída a uns muíños vigueses e a un bosque de ribeira.

    O curso é de balde e está organizado polo Servizo de Normalización Lingüística.

    Ver máis >
  • Cursos da auga

    Cursos da auga

    REMATADA

    Estes cursos son un convite a meter un pé na auga, a pór a lingua en remollo; unha boa escusa para perfeccionar o noso idioma a través do coñecemento do patrimonio natural e cultura que inza arredor da auga.
     
    Curso de auga salgada: O mar, fonte de vida coma os ríos, é ademais unha porta aberta ao mundo. Neste curso achegarémonos ao coñecemento da historia da nosa cidade e do seu desenvolvemento económico e cultural, só explicable pola relación ancestral co medio mariño. Guiranos nesta travesía o estudo da riqueza lingüística que o mar, e todo o que se xera arredor, del, atesoura.
     
    Curso de auga doce: Desde os ríos e regatos da nosa comarca até o pai Miño, o fluír da auga sempre foi no noso país fonte da vida; determinou a orografía, permitiu o desenvolvemento de ecosistemas diversos e condicionou a nosa maneira de habitar o territorio. Ao longo dos seus cursos medra unha cultura material e inmaterial diversa e un rico patrimonio lingüístico e cultural que nos incumbe.
     
    Ver máis >
  • Curso de auga doce, xaneiro-febreiro 2017

    Curso de auga doce, xaneiro-febreiro 2017

    REMATADA

    O obxectivo do curso é achegarse á lingua galega a través do curso dun río.
    Non é un curso de galego se por iso entendemos gramática, ortografía, sintaxe... Mais si é unha acción formativa do galego xa que imos ampliar o noso coñecemento da lingua propia de Galicia.
    A auga doce será o fío condutor desta actividade, que nos levará polo léxico, a fraseoloxía ou a toponimia, baixo varios bloques temáticos:
    Auga e relevo
    Auga e vida
    Auga e aproveitamento tradicional
    Auga e fogar
    Auga, saúde e lecer

    Achegarémonos á realidade de Vigo na súa copiosa relación coa auga (neste caso auga doce): ríos e regueiros, hidronimia, muíños, bosques de ribeira, rituais relacionados coa auga...
    O curso remata cunha saída a uns muíños vigueses e a un bosque de ribeira.

    Ver máis >