O curso dos ríos, vertebradores desde sempre do noso territorio e da nosa relación co espazo, empregados como fonte de recurso e incorporados ao noso patrimonio inmaterial na elaboración de lendas, mitos, léxico ou fraseoloxía, atesouran unha grande riqueza lingüística e cultural que é de todas e de todos, de aí a importancia de dala a coñecer e facilitar o acceso a ela.
Neste curso profundaremos no coñecemento dalgúns aspectos da lingua galega seguíndomos os cursos dos nosos ríos e regatos, e de todo canto medrou e medra ao longo das súas bacias e máis da historia que os acompaña, ese outro río.

O curso remata cunha saída a uns muíños vigueses e a un bosque de ribeira.

O curso é de balde e está organizado polo Servizo de Normalización Lingüística.

O curso Achégate ao galego nivel básico está dirixido a persoas, de dentro e fóra de Galicia, sen apenas coñecementos do idioma, que procuran formación para se iniciar na lingua galega e acadar unha competencia básica no uso do galego estándar.

O obxectivo primordial deste curso é familiarizarse coa lingua galega dun modo práctico e dinámico, dotando o alumnado dos recursos necesarios para desenvolver as habilidades lingüísticas básicas (escoitar, falar, ler e escribir), que lle permitan satisfacer as súas necesidades de comunicación máis primarias.

Mediante a exposición directa na aula a un uso vivo do idioma, fomentaremos a participación activa do alumnado, concentrándonos nas dificultades da aprendizaxe, para resolver as principais dúbidas coas que acotío se enfrontan os usuarios do galego.

O curso é de balde e está organizado polo Servizo de Normalización Lingüística.

 

O curso Achégate ao galego nivel 2 está concibido como unha continuación da formación adquirida nos cursos de achegamento dos niveis anteriores (0 e 1) e diríxese a todas aquelas persoas, de dentro e fóra de Galicia, que posuíndo uns coñecementos xerais do idioma e tendo algunha formación previa en lingua galega, busquen mellorar e ampliar a súa competencia lingüística no uso do galego estándar.

Proba de nivel: Co obxecto de conseguir unha maior homoxeneidade na formación do grupo e garantir o máximo rendemento e aproveitamento do curso, no primeiro día de clase farase unha proba de nivel para avaliar o grao de competencia e o nivel de dominio do idioma do alumnado.

Datas: 9, 11, 16, 18, 23, 25 e 30 de outubro; 6, 8, 13, 15, 20, 22, 27, 28 e 29 de novembro de 2017

Horario: Os luns e os mércores, de 18.30 a 21.00 horas

Lugar: 2.º andar do Centro Local de Emprego e das Ocupacións (edificio Fernando Carreras, da rúa Areal-O Porto -antiga reitoría-)

Inscrición: Deben enviar os seus datos (nome completo e teléfono) ao correo electrónico actividades.snl@vigo.org (poñer no asunto: curso galego nivel 2)

A Concellaría de Normalización Lingüística vai levar a cabo un obradoiro de improvisación teatral, de 28 horas.

O obradoiro será fundamentalmente práctico. Calquera concepto teórico desenvolverase a partir das problemáticas prácticas que xurdan no desenvolvemento das clases.

Este obradoiro está destinado a maiores de 18 anos non profesionais no eido das artes escénicas.

O obradoiro terá lugar os días 10, 17, 24, 31 de outubro; 7, 14, 21, 28 de novembro de 2017, de 17:00 a 20:00, no IME-Instituto Municipal de Educación (camiño do Chouzo, 2-salón de actos)

Para se inscribir deben enviar un correo electrónico a actividades.snl@vigo.org, co seu nome completo e teléfono (poñer no asunto: obradoiro teatro)

A Concellaría de Normalización Lingüística, a través do CIOV (Centro de Interpretación da Oralidade de Vigo), continúa cos cursos de achegamento á improvisación oral en verso e á narración oral
Tal e como vimos facendo noutros anos, as aulas van programarse desde outubro a maio, curso 2017-2018, en horario de tarde
O CIOV está no camiño do Chouzo, 2, no Instituto Municipal de Educación (IME)-aula 17
Os cursos son gratuítos

As persoas interesadas nestes cursos deben enviar o seu nome completo e teléfono ao correo electrónico actividades.snl@vigo.org (poñer no asunto: cursos ciov)

Obradoiro destinado a persoas que desexen ampliar coñecementos sobre os recursos lingüísticos que a informática pon a dispor da lingua galega.

Non se requiren coñecementos de informática, pero convén ter familiaridade na utilización de internet.

A Concellaría de Normalización Lingüística e a a.vv. Novo Vigo organizan este obradoiro gratuíto para a rapazada entre 8 e 12 anos

Datas: martes 18 e xoves 20 de xullo, de 11:00 a 13:00
Lugar: no local da A.VV. (rúa As Teixugueiras, 11-portal 6 oficina 9-B)

Condicións da inscrición:

-A inscrición farase enviando un correo electrónico a info@avvnovovigo.org (co seu nome completo e teléfono). Poñer no asunto do correo: curso de escritura creativa
-Prazo de inscrición: dende o día 12 de xuño e ata completar as prazas
-A inscrición será exclusivamente a través deste correo electrónico e ata completar as prazas por rigorosa orde de entrada do correo
-A A.VV. (Telf.: 688 936 213) contestará a cada correo electrónico se están admitidos/as ou non, e serán as persoas que SI teñan praza
-As solicitudes que se realicen con anterioridade ao inicio do prazo de inscrición non serán tidas en conta
-As solicitudes de inscrición que non conteñan todos os datos solicitados non serán tidas en conta

REMATADA, xa están completas todas as prazas
Curso de 40 horas, práctico e dinámico, no que se traballarán os contidos gramaticais, ortográficos, léxicos, etc.
O curso é de balde

Datas:
24, 25 de abril; 2, 8, 9, 15, 16, 22, 23, 29, 30 de maio; 5, 6, 12, 13, 14 de xuño
Lugar: 2.º andar do Centro Local de Emprego e das Ocupacións (edificio Fernando Carrera, da rúa Areal-O Porto -antiga reitoría)
Horario: de 18:30 a 21:00

Para inscribirse deben enviar os seus datos (nome completo, teléfono) ao correo electrónico actividades.snl@vigo.org {poñer no asunto: curso galego nivel 0}