REMATADA
A Concellaría de Normalización Lingüística e a Asociación de Escritoras e Escritores en Lingua Galega organizan 3 “Paseos polo Vigo literario”

Horario: todos os paseos teñen a saída ás 11:30

1.-Sábado, 17 de outubro, roteiro guiado por Marta Dacosta. Saída desde Paseo de Afonso XII (no extremo de Pi i Margall) COMPLETO

2.-Sábado, 24 de outubro, roteiro guiado por Fran Alonso. Saída da rúa García Barbón ao pé das escaleiras que soben a Alfonso XIII COMPLETO

3.-Sábado, 7 de novembro, roteiro guiado por Fran P. Lorenzo. Saída da rúa Privada Moderna COMPLETO

Para se inscribir deben enviar os seus datos (nome completo e teléfono) ao correo electrónico actividades.snl@vigo.org (deben indicar a cal/es paseo/s irán), a partir do día 10 de outubro (inclusive) dende ás 10:00
Inscrición por orde de chegada do correo. Prazas limitadas: 50

REMATADA
O sábado 5 de setembro temos programada unha ruta toponímica polas Illas Cíes

Novamente o Centro de Interpretación da Oralidade vai facer rular polas rúas, prazas, parques, areais... e illas de Vigo contos, regueifas, monicreques, cancións, lendas... dentro do programa "No verán... un conto".

REMATADA
"...recollemos flores e follas, deixámolas ao relente. Amolecen e o seu bo arrecendo..."

Nos xuntamos
no Centro Veciñal e Cultural de Valadares (camiño do Pedregal, 6)
o día 23 de xuño
ás 19:30, empezamos e
ás 21:00, rematamos

Non é necesaria ningunha inscrición.
Levade calzado cómodo e cesta ou bolsa para colleitar as herbas...

REMATADA. COMPLETAS TODAS AS PRAZAS
A Concellaría de Normalización Lingüística organiza un roteiro literario e toponímico pola Ría de Vigo e a Illa de Ons. Seguiremos o desenvolvemento da novela Os fillos do mar, de Pedro Feijoo e coñeceremos máis sobre os nomes de lugar da nosa ría.
Guiarán este percorrido Pedro Feijoo, Xosé Lois Vilar (arqueólogo) e Gonzalo Navaza (investigador da toponimia).

Itinerario
-Data: sábado, 20 de xuño de 2015
-8:30: reunirémonos a carón da estatua de Julio Verne (nas Avenidas, ao carón do Náutico) para dende alí achegarnos ao peirao para embarcar.
-9:00: saída do barco do peirao
-Travesía e visitas á illa, guiadas. Nelas falaremos dos lugares da novela, dos naufraxios e da toponimia da illa e da ría
-Cada viaxeiro poderá traer a súa comida ou concorrer aos restaurantes da illa
-18:30: saída rumbo a Vigo

Prezo: 10 euros (travesía e visitas, non inclúe comida)

Reservas de praza:
a) Dende o 8 de xuño, de luns a venres, de 10:00 a 13:00 no teléfono 986 36 05 75 (Instituto de Estudos Miñoranos)

b) De lle confirmar a praza, deberán facer o aboamento na conta corrente
2080.5035.07.3040014164 de ABANCA

c) No “concepto” do depósito debe constar a indicación “Ons” acompañada dos números de viaxeiros que se lle outorgarán na reserva telefónica. Logo deben enviar o comprobante do ingreso ao correo electrónico oficina@minhor.org

d) IMPORTANTE: de non enviar o comprobante antes do día 17 de xuño, será eliminada esa reserva

REMATADA
O alumnado do Centro de Interpretación da Oralidade de Vigo CIOV fará unha contada infantil e outra para público adulto neste mes de maio

INFANTIL: mércores, 27 a partir das 18:00 na librería Andel (rúa Camelias, 102)
ADULTOS: venres, 29 a partir das 20:00 no café De Catro a Catro (rúa Girona, 16)

REMATADA
O Centro de Interpretación da Oralidade de Vigo organiza este Poetry Slam Vigo que terá lugar o domingo, 17 de maio no Chareton Club Cultura (avda. Ramón Nieto, 58)

Con anterioridade, o sábado 9 de maio terá lugar un Obradoiro de Slam de 11:00 a 14:00

REMATADA
O 20 de marzo celebouse o Día internacional da narración oral.
Dende a Concellería de Normalización Lingüística queremos celebrar esta data cunha contada colectiva do alumnado do Centro de Interpretación da Oralidade de Vigo para PÚBLICO ADULTO

Terá lugar en Detrás do Marco (rúa Londres, s/n) ás 20:00 o día 26 de marzo (xoves)
Entrada de balde

As Maimiñas somos Mai e Miña, ou o que é o mesmo, Lucía e Irene, dúas amigas que un día decidimos saír a camiñar... e andando, andando, andando... polo mundo enteiro fomos viaxando.
Visitamos altas montañas, grandes desertos, longas murallas... e andando, andando... aprendemos que o mundo é un lugar precioso, que hai tantas xentes coma músicas, que hai tantos ritmos coma corazóns diferentes... e aprendemos tamén que a todas e todos os habitantes desde planeta o que máis lle gusta é o mesmo que a nós: cantar e bailar!