O vindeiro 17 de marzo, na biblioteca Neira Vilas (Avda. Emilio Martínez Garrido, 21), ás 19.30 h Cláudia Fonseca, contadora de Brasil, achegaranos historias do Nordeste brasileño.

A entrada é de balde, até se encher a capacidade.

Esta actuación está enmarcada no 5.º Festival Internacional de narración oral, Atlántica.

O obxectivo do curso é achegarse á lingua galega a través do curso dun río.
Non é un curso de galego se por iso entendemos gramática, ortografía, sintaxe... Mais si é unha acción formativa do galego xa que imos ampliar o noso coñecemento da lingua propia de Galicia.
A auga doce será o fío condutor desta actividade, que nos levará polo léxico, a fraseoloxía ou a toponimia, baixo varios bloques temáticos:
Auga e relevo
Auga e vida
Auga e aproveitamento tradicional
Auga e fogar
Auga, saúde e lecer

Achegarémonos á realidade de Vigo na súa copiosa relación coa auga (neste caso auga doce): ríos e regueiros, hidronimia, muíños, bosques de ribeira, rituais relacionados coa auga...
O curso remata cunha saída a uns muíños vigueses e a un bosque de ribeira.

A Concellaría de Normalización Lingüística organiza estes obradoiros para rapaces/zas entre 5 e 10 anos, en colaboración coa Asociación de Comerciantes e Empresarios do Calvario, a A.VV. Praza da Miñoca e o Centro Veciñal e Cultural de Valadares.