Actividades

"Os Maios" celebración da chegada da primavera, maio 2017

REMATADA

A Concellaría de Normalización Lingüística organiza esta actividade para celebrar a chegada da primavera e que será levada a cabo pola Asociación Veciñal e Cultural Casco Vello, ao longo do mes de maio.

Para todos os públicos
Duración: 60-90 minutos

Festa cíclica presente na cultura rural europea dende tempos inmemoriais. Manifestación agraria a través da cal as xentes do campo celebraban o traballo da recollida dos froitos da primavera, representada no maio, adornando con elementos vexetais e froitos do campo.
A rapazada levará a cabo a danza das cintas, despois dun pequeno obradoiro de aprendizaxe.

Ver máis…

Paseo literario polo Calvario, 22 abril 2017

REMATADA. Xa están completas todas as prazas

Día: 22 de abril de 2017
Hora de saída: 11:00
Duración: 2 horas (Levar calzado cómodo)

Punto de encontro: adro da igrexa de Santa Cristina de Lavadores (enlace con google maps)

Para se inscribir deben enviar o seu nome completo e teléfono ao correo electrónico actividades.snl@vigo.org, a partir do día 19 de abril -ás 9:00- e ata o 21 de abril -ás 9:00-. Poñer no asunto: paseo polo Calvario

Ver máis…

"Prende no colo" obradoiro didáctico para pais e nais con crianzas de 0 a 3 anos, abril 2017

REMATADA, xa están completas todas as prazas

A Concellaría de Normalización Lingüística e a Biblioteca Xosé Neira Vilas organizan este obradoiro para bebés de 0 a 3 anos. Obradoiro gratuíto

Data: xoves 20 de abril, ás 18:00
Lugar: na Biblioteca Xosé Neira Vilas (Avda. Emilio Martínez Garrido, 21)

A inscrición comeza o 4 de abril ás 10:30. As prazas cóbrense por orde de inscrición
Pódese formalizar a inscrición de calquera destes xeitos:
1.-De forma presencial na biblioteca
2.-Mandando un correo electrónico a bpneiravilas@vigo.org (deben indicar nome e apelidos, idade, enderezo e teléfono)
3.-A través do teléfono 986 26 77 59

Ver máis…

Paseo literario por BOUZAS, 1 abril 2017

REMATADA, xa están completas todas as prazas
A Concellaría de Normalización Lingüística organiza este paseo literario por Bouzas

Bouzas olladas salgadas.
No espazo lemos o tempo.

O sábado, 1 de abril, terá lugar este paseo
Duración: 2 horas (levar calzado cómodo)
Hora de saída: 11:00
Punto de encontro: adro da igrexa de Bouzas

Para se inscribir deben enviar o seu nome completo e teléfono ao correo electrónico actividades.snl@vigo.org, a partir do día 20 de marzo -ás 9:00- e ata o 31 de marzo -ás 9:00-. Poñer no asunto: paseo por Bouzas

Ver máis…

Curso de achegamento á lingua galega "Achégate ao galego, nivel 1", febreiro, marzo, abril 2017

REMATADA. Cubertas todas as prazas
O curso Achégate ao galego nivel 1 está concibido como unha continuación da formación adquirida no curso de achegamento do nivel 0 e diríxese a todas aquelas persoas, de dentro e fóra de Galicia, que partindo duns coñecementos básicos do idioma, busquen mellorar e ampliar a súa competencia lingüística no uso do galego estándar.

O curso, de 40 horas, é de balde.

Datas:
6, 7, 13, 14, 20, 21 de febreiro; 6, 7, 13, 14, 20, 21, 22 de marzo; 3, 4, 5 de de abril do ano 2017

Lugar: 2.º andar do Centro Local de Emprego e das Ocupacións (edificio Fernando Carreras, da rúa Areal-O Porto -antiga reitoría-)

Horario: de 18:30 a 21:00

Para inscribirse deben enviar un correo electrónico a actividades.snl@vigo.org cos seus datos (nome completo e teléfono). Poñer no asunto: curso de galego nivel 1

Ver máis…

CIOV-ATLÁNTICA. 5.º festival internacional de narración oral, marzo 2017

REMATADA
Contos e cantos nordestinos
Cláudia Fonseca

O vindeiro 17 de marzo, na biblioteca Neira Vilas (Avda. Emilio Martínez Garrido, 21), ás 19.30 h Cláudia Fonseca, contadora de Brasil, achegaranos historias do Nordeste brasileño.

A entrada é de balde, até se encher a capacidade.

Esta actuación está enmarcada no 5.º Festival Internacional de narración oral, Atlántica.

Ver máis…

24 de febreiro: Día de Rosalía, 2017

REMATADA

En Santiago de Compostela, no Camiño Novo (hoxe Rosalía de Castro), nacía o 24 de febreiro de 1837 María Rosalía Rita, figura sobranceira das nosas letras, do noso renacer como pobo, feminista, intelectual e defensora da terra e lingua de noso.

O Concello de Vigo proclamou o 24 de febreiro como Día de Rosalía na nosa cidade (na que viviu e publicou "Cantares Gallegos"), e organiza diferentes actos na súa honra.

A Concellaría de Normalización Lingüística vai levar a cabo distintas actividades ao longo dos próximos días: lecturas de poemas, conferencias, paseo literario...

As actividades terán lugar os días 18, 20 e 23 de febreiro.

Ver máis…

Curso de auga doce, xaneiro-febreiro 2017

REMATADA

O obxectivo do curso é achegarse á lingua galega a través do curso dun río.
Non é un curso de galego se por iso entendemos gramática, ortografía, sintaxe... Mais si é unha acción formativa do galego xa que imos ampliar o noso coñecemento da lingua propia de Galicia.
A auga doce será o fío condutor desta actividade, que nos levará polo léxico, a fraseoloxía ou a toponimia, baixo varios bloques temáticos:
Auga e relevo
Auga e vida
Auga e aproveitamento tradicional
Auga e fogar
Auga, saúde e lecer

Achegarémonos á realidade de Vigo na súa copiosa relación coa auga (neste caso auga doce): ríos e regueiros, hidronimia, muíños, bosques de ribeira, rituais relacionados coa auga...
O curso remata cunha saída a uns muíños vigueses e a un bosque de ribeira.

Ver máis…

No Nadal... un conto, 2016

REMATADA
Outro ano máis......chegan as actividades de No Nadal... un conto

Hai actividades:
-que necesitan inscrición previa (até 3 anos)
-que non necesitan inscrición previa (+ de 4 anos). Nestas, as prazas estarán dispoñibles até completar a capacidade do lugar da actividade
-que tamén se contan en lingua de signos

Ver máis…

SNL

ACTIVIDADES

ACTIVIDADES

"Os Maios" celebración da chegada da primavera, maio 2017

Paseo literario polo Calvario, 22 abril 2017

"Prende no colo" obradoiro didáctico para pais e nais con crianzas de 0 a 3 anos, abril 2017

Paseo literario por BOUZAS, 1 abril 2017

Curso de achegamento á lingua galega "Achégate ao galego, nivel 1", febreiro, marzo, abril 2017

CIOV-ATLÁNTICA. 5.º festival internacional de narración oral, marzo 2017

24 de febreiro: Día de Rosalía, 2017

Curso de auga doce, xaneiro-febreiro 2017

No Nadal... un conto, 2016