Obradoiro de Escrita dramática nivel 1 (febreiro-marzo 2021)

Obradoiro de Escrita dramática nivel 1 (febreiro-marzo 2021)

NON HAI PRAZAS VACANTES. Non envíen máis solicitudes de inscrición

ACHEGAMENTO Á DRAMATURXIA

Días e horarios: 22 de febreiro; 1, 8, 15, 22, 29 (de 17:00 a 20:00) 31 (de 17:00 a 19:00) de marzo 2021. Total: 20 horas
Lugar: En liña (É necesaria a puntualidade na incorporación e na desconexión da clase en liña. No caso de incumprimento, non recibirán diploma de asistencia)
Inscrición: De balde, realízase na páxina web da Concellaría de Normalización Lingüística cubrindo o formulario inscrición (Deben encher todos os datos e poñer no título da actividade: escrita dramática nivel 1)
Requisitos técnicos: Dispoñer dun ORDENADOR OU TABLET con micrófono e altofalantes, cámara e unha boa conexión a internet

Este obradoiro ofértase a todas aquelas persoas interesadas no teatro –profesionais ou non– e, máis concretamente, na escrita dramática. Desde unha formulación eminentemente práctica, coñeceremos e traballaremos na aula con todos os elementos necesarios para a elaboración dunha composición dramática.
O obxectivo principal deste curso é desenvolver e potenciar as habilidades creativas das participantes, dotándoas de todas as ferramentas necesarias para o entendemento e comprensión da dramaturxia e orientándoas na creación das súas propias escenas.

Volver