Impartido por: María Lado Lariño

Este obradoiro está dirixido a todas aquelas persoas que senten pracer pola escrita, teñan ou non experiencia. O seu obxectivo é ofrecerlles ferramentas personalizadas coas que poidan enfrontarse ao papel en branco, iniciar a creación dun texto literario de calquera tipo ou simplemente experimentar e sorprendernos. A través de exercicios, xogos e actividades moi diversas exploraremos, aprenderemos, escribiremos e gozaremos. Compartiremos esa paixón común que temos pola palabra.