O proxecto busca achegar as nenas ao eido científico e visibilizar a todo o alumnado as contribucións das mulleres científicas. Tamén se busca pór en valor o galego como lingua científica, e que as alumnas e alumnos descubran que en galego tamén se fai ciencia.

Así mesmo, a nosa intención é ofrecerlle ao profesorado recursos didácticos sobre esta materia. Para iso, ademais das accións en directo, estarán dispoñibles nas webs municipais un conxunto de recursos para a participación na proposta sen conexión durante todo o curso escolar 2020/21.

Durante catro días, o Concello organiza un conxunto de actividades de Ciencia en Galego no que os alumnos e alumnas participantes coñecerán a obra de científicas relevantes e levarán a cabo retos en liña relacionados coa actividade investigadora e a nosa lingua. Asemade poremos á disposición dos centros interesados diversos materiais didácticos que permitirán traballar as temáticas obxecto deste proxecto nos centros.

As actividades van dirixidas a alumnado da ESO, BAC, modulos formativos de FP.

Recursos didácticos

• Actividades Día da Muller e a Nena na Ciencia para centro de Primaria
• Actividades Día da Muller e a Nena na Ciencia para centro de Secundaria