Esta actividade pertence ao programa:
Mentimeter e Kahoot Mulleres Sabias da Terra
Derivado da situación actual, creamos esta proposta de actividade en liña. Trátase dunha acción en formato gamificado. Un reto que convida o alumnado a penetrarse no uso do galego en contornas científicas e tecnolóxicas mentres descobre a grandes científicas que non gozan do recoñecemento que merecen.
É conveniente contextualizar co alumnado a actividade. Deben percibir a proposta como unha actividade divertida e gamificada que ten como finalidade aprender sobre dúas temáticas fundamentais. Por unha banda, dar visibilidade e poñer en valor o labor das científicas. Por outro, potenciar o uso do galego entre os mozos e mozas, dándolle valor como idioma.
Na Guía Didáctica recollemos un xogo utilizando as ferramentas online Mentimeter e Kahoot.