I Festa aniversario Rede CRIA 2018

I Festa aniversario Rede CRIA 2018

Actividade rematada

A asociación de Crianza Respectuosa, Informada e con Apego, Rede CRIA cumpre o seu primeiro ano de vida e quere celebralo cunha gran festa na que ademais dun concerto e un contacontos como espectáculos principais, presenta unha xornada de charlas, obradoiros e xogos para toda a familia.

Coa gran implicación por parte das familias socias, neste ano leváronse a cabo 14 accións de carácter formativas e 10 actividades de ocio das que gozaron máis de 300 asistentes, case a metade deles non asociados.

Grazas a traballar sempre baixo a premisa de presentar unha oferta conforme a unha Crianza Respectuosa Informada e con Apego, este proxecto está a atopar o seu oco como referente de crianza respectuosa en Vigo ao carón de asociacións e colectivos afíns máis veteráns.

E como a familia é o que máis nos importa, a cativanza sempre foi benvida a calquera das nosas propostas.

 

Aniversario:

Presentamos a I Festa Aniversario Rede CRIA.

Esta festa terá lugar o próximo domingo 3 de xuño no CSCD As Pedriñas, en Mos, con asistencia de balde e acceso ás actividades segundo o aforamento dispoñible.

Cé Orquesta ofrecerá un concerto e Cóntame e Cántame faranos desfrutar co contacontos co que cerraremos a xornada.

No medio, charlas expréss sobre lactancia, porteo e blw (alimentación complementaria), e obradoiros sobre parto en movemento, pintura, masaxe para bebés, zumba e ioga; ademais nas instalacións haberá espacios para o xogo libre, a creatividade e a relaxación así como un mercado de artesáns.