Día Mundial de Elmer, maio 2018

Día Mundial de Elmer, maio 2018

Actividade rematada

O personaxe creado polo ilustrador británico David McKee -recentemente publicado en galego por KALANDRAKA- será a figura central dunha homenaxe simultánea nos numerosos países nos que se publican as súas aventuras.

 

LIBROS PARA SOÑAR DESPIDE A TEMPADA DE CONTACONTOS CELEBRANDO O DÍA MUNDIAL DE ELMER

LIBROS PARA SOÑAR anticípase este venres á celebración, o sábado 26, do Día Mundial de Elmer.

A libraría infantil do Casco Vello de Vigo organiza unha sesión de contacontos a partir das 18:30 horas e un taller de plástica creativa no que as nenas e os nenos participantes pintarán a figura do elefante multicolor, que quedará exposta ao público.

Canda Elmer, outras historias protagonizadas por diversos animais da selva completarán o repertorio desta sesión de animación á lectura, a derradeira do curso.

 

 

A sesión especial de contos para bebés do vindeiro mércores día 30, ás 17:30 horas, tamén será a última da tempada.