Sinopse:
O obxectivo do curso é achegar o alumnado aos textos dos diferentes xéneros que compoñen a literatura oral de Galicia, dar a coñecer os seus trazos principais e os contextos de uso. Comezaremos cunha breve introdución á materia e aos conceptos principais que manexaremos, e forneceremos recursos bibliográficos e audiovisuais.
Unha vez situado o alumnado fronte ao noso obxecto de análise pasaremos a ler e comentar na aula textos representativos de cada xénero para, a partir deles, analizar as características principais de cada un.