Actuacións de Raquel Queizás para público familiar nas Festas de Vigo (agosto 2020)

Actuacións de Raquel Queizás para público familiar nas Festas de Vigo (agosto 2020)

Actividade rematada

O segredo do tendal

Sinopse:

Historias incríbeis e manipulación de obxectos


Colgadas no tendal, as letras senten o sol a facerlles cóxegas e bailan unhas coas outras. A roupa tamén quere xogar como elas xogan: as pinzas axudan a un pano a medrar até se converter nunha montaña, unha toalla foxe correndo entre as cordas… ou é un can de palleiro?

É que neste espectáculo que xoga a tensar os límites entre os contacontos, os títeres e a pantomima, e con eles as fronteiras da imaxinación máis alá do escenario, case nada é o que parece.

Grazas a unha técnica de manipulación de panos, inspirada nos mestres das marionetas orientais, o escenario pasa de amosar pezas de roupa secando ao sol a ser o interior dun castelo, un mar poboado por sereas ou a cova dun feroz polbo, gardián dun tesouro.

Inspirado nas lembranzas de moitas tardes escoitando as historias da miña avoa mentres tendiamos a roupa ao sol de agosto, preparei este espectáculo para presentar a tradición oral á nova xeración de nativos dixitais.

Porque… habería máis cousas que contar, pero parece que secou a roupa…

 

Hora: 19:30

Día (agosto)         Lugar(o lugar exacto da actividade está nun plano no arquivo "Cartel das actuacións de Raquel Queizás")

7                              Matamá
9                              Torreiro Coia
18                           Mercado Teis
25                           Praza da Miñoca
27                           Sárdoma
29                           Valadares
31                          Cabral
 

 

Máis sobre o programa No verán... un conto