Actividades de normalización lingüística para público familiar no mes de setembro 2020

Actividades de normalización lingüística para público familiar no mes de setembro 2020

Actividades rematadas

A Concellaría de Normalización Lingüística promove nos vindeiros días actividades de normalización da lingua dirixidas a todos os públicos: contos, cantigas, historias, ciencia... para escoitar e gozar en familia. Dende O Calvario a Navia, pasando por Bouzas, Coia, A Miñoca e a praza da Independencia.

As actividades serán ao aire libre e respectaranse as normas, que para estas hai establecidas verbo da COVID-19. As prazas serán limitadas, haberá control de acceso, distancia entre as cadeiras e hixeine de mans.

 

 

Para rematarmos este verán, a Concellaría de Normalización Lingüística ofrece unha programación de distintas actividades dinamizadoras da lingua de noso que se levarán a cabo en diferentes espazos da cidade.

Contos para coidar a terra e o mar; ciencia que nos sorprende na nosa vida  cotiá, historias de tendais,  contos nas orellas e contos para soñar... se sen deixarmos atrás a música e  as cantigas porque teremos pianos que contan e música verquida dende as palabras...

Actividades para todas e todos, para gozarmos de lendas e historias; para achegarmos á ciencia de xeito lúdico e doado; para reflexionarmos sobre o coidado que habemos de lles prestar ao mar e ao medio en xeral...

 

"Xan das ondas" farase con intérprete de lingua de signos.