Actividades

IMOS CANTAR O NADAL!, decembro 2017

Actividade rematada

Obradoiro participativo de recuperación dos Cantos de Reis e Nadal.

Destinado a público familiar, nenos e nenas de todas as idades e as súas familias (os menores de 5 anos terán que estar acompañados dunha persoa adulta).
Non é necesario ningún tipo de inscrición.

As actividades terán lugar (ver carteis para máis información):
En Navia o 28 de decembro ás 17:00

No Calvario o 29 de decembro ás 11:00

En Teis o 29 de decembro ás 17:00

Ver máis…

VIGO ARRÓLATE!, outubro 2017

REMATADA

VIGO ARRÓLATE! é un programa dirixido a vós, familias que estades a preparar a chegada dunha ou dun novo membro, ou que acabades de o ter ou adoptar.

É un momento de cambios, e queremos achegarvos (in)formación para esta nova etapa que encetades; actividades que agardamos sexan do voso interese e contarmos así coa vosa presenza e suxestións.

As crianzas van ver en vós un espello, vades ser o modelo para seguir. O que lles falades, cantedes, contedes, leades... van prender nelas como xermolo do seu mañá. E queremos que ese xermolo prenda na lingua de noso, que acompañe os nosos cativos e cativas no seu medrar porque no seu futuro está tamén o da nosa lingua.

Vigo arrólate! son obradoiros, charlas, contadas, música, xogos... para compartirdes coas vosas crianzas e para garantirlle Mil primaveras máis á nosa lingua!

Toda a información das actividades (datas, horarios, inscrición, etc.) poden consultala no seguinte enlace: premer en +ampliar

Ver máis…

No verán... un conto 2017

REMATADA
No verán... un conto!

Chega unha nova edición do programa "NO VERÁN... UN CONTO!" con actividades para público infantil, familiar e adulto.

Contos, monicreques, obradoiros, xogos tradicionais, música, cantigas, contos en lingua de signos, regueifas... que se espallarán por diferentes zonas do noso concello: Bouzas, Casco Vello, Navia, A Miñoca, Coia, Teis, As Travesas, centro de Vigo, O Calvario, Castrelos...

As actividades comezan o 7 de xullo e rematan o 1 de setembro.

Ver máis…

Paseo para recollida das herbas de san Xoán, xuño 2017

REMATADA
A Concellaría de Normalización Lingüística (en colaboración coa Sociedade Cultural e Deportiva Atlántida de Matamá) organiza este paseo para a recolleita das herbas de san Xoán.

Todas as persoas interesadas deben presentarse no lugar referido ás 17:30

Día: 23 de xuño de 2017

Lugar: Comeza o paseo no torreiro que está a carón do colexio Josefa Alonso de Alonso (rúa de Manuel Cominges, 14)

Hora: Reunirémonos ás 17:30

Ver máis…

CIOV-Actuacións de fin de curso do Centro de Interpretación da Oralidade de Vigo, xuño 2017

REMATADA
A Concellaría de Normalización Lingüística presenta as seguintes actuacións de fin de curso do CIOV

Todas as persoas interesadas en ver estas actuacións, poden acudir xa que a entrada é libre e gratuíta

Fin de curso de Narración oral: 3 de xuño

Fin de curso de Improvisación oral en verso: 14 de xuño

Toda a información no cartel (premer +ampliar)

Ver máis…

"Os Maios" celebración da chegada da primavera, maio 2017

REMATADA

A Concellaría de Normalización Lingüística organiza esta actividade para celebrar a chegada da primavera e que será levada a cabo pola Asociación Veciñal e Cultural Casco Vello, ao longo do mes de maio.

Para todos os públicos
Duración: 60-90 minutos

Festa cíclica presente na cultura rural europea dende tempos inmemoriais. Manifestación agraria a través da cal as xentes do campo celebraban o traballo da recollida dos froitos da primavera, representada no maio, adornando con elementos vexetais e froitos do campo.
A rapazada levará a cabo a danza das cintas, despois dun pequeno obradoiro de aprendizaxe.

Ver máis…

"Prende no colo" obradoiro didáctico para pais e nais con crianzas de 0 a 3 anos, abril 2017

REMATADA, xa están completas todas as prazas

A Concellaría de Normalización Lingüística e a Biblioteca Xosé Neira Vilas organizan este obradoiro para bebés de 0 a 3 anos. Obradoiro gratuíto

Data: xoves 20 de abril, ás 18:00
Lugar: na Biblioteca Xosé Neira Vilas (Avda. Emilio Martínez Garrido, 21)

A inscrición comeza o 4 de abril ás 10:30. As prazas cóbrense por orde de inscrición
Pódese formalizar a inscrición de calquera destes xeitos:
1.-De forma presencial na biblioteca
2.-Mandando un correo electrónico a bpneiravilas@vigo.org (deben indicar nome e apelidos, idade, enderezo e teléfono)
3.-A través do teléfono 986 26 77 59

Ver máis…

No Nadal... un conto, 2016

REMATADA
Outro ano máis......chegan as actividades de No Nadal... un conto

Hai actividades:
-que necesitan inscrición previa (até 3 anos)
-que non necesitan inscrición previa (+ de 4 anos). Nestas, as prazas estarán dispoñibles até completar a capacidade do lugar da actividade
-que tamén se contan en lingua de signos

Ver máis…

No verán... un conto, 2016

REMATADA
Novamente o Centro de Interpretación da Oralidade vai facer rular polas rúas, prazas, parques, areais; de Vigo:
contos, regueifas, monicreques, cancións, lendas... dentro do programa "No verán... un conto".

Desde o 6 de xullo ao 2 de setembro.

Ver máis…

SNL

ACTIVIDADES

ACTIVIDADES

IMOS CANTAR O NADAL!, decembro 2017

VIGO ARRÓLATE!, outubro 2017

No verán... un conto 2017

Paseo para recollida das herbas de san Xoán, xuño 2017

CIOV-Actuacións de fin de curso do Centro de Interpretación da Oralidade de Vigo, xuño 2017

"Os Maios" celebración da chegada da primavera, maio 2017

"Prende no colo" obradoiro didáctico para pais e nais con crianzas de 0 a 3 anos, abril 2017

No Nadal... un conto, 2016

No verán... un conto, 2016