Toponimia Valadares

191 T O P Ó N I M O S O Outeiro de Deus , preto da Gaspara, no barrio do Freixo, aparece atestado con ese nome nun protocolo notarial do ano 1669, así como no Catastro de Ensenada, sinalando terras de monte de segunda cali- dade, e no Libro de afanegados aplicado a terras de piñeiral. Cremos que na súa orixe a referencia a Deus vén da condición de propiedades de « décimo a Deus » , igual ca outro topónimo de Valadares que consta como « Dézima Deus » no Catastro de Ensenada e que aparentemente non sobreviviu. Nun e noutro caso, serían terras ou propiedades exen- tas de calquera outra renda ou carga que non fose o chamado «dizmo a Deus » , ou simplemente décimo (castelán diezmo ), un tributo polo cal a Igrexa percibía cada ano a décima parte de todos os produtos da terra, tanto agrarios coma pecuarios. Instituído na Alta Idade Media en Europa occidental, seguiu vixente durante séculos, segundo se pode comprobar no Interrogatorio do Catastro de Ensenada, onde á pregunta relativa aos impostos e titulares destes se responde que todas as terras do termo parroquial de Valadares estaban suxeitas a este tributo e que os perceptores eran, a medias, o abade da igrexa parroquial e o cabido de Santiago de Compostela. Na parroquia de Beade sobrevive outro toponimo Dimadeus , da mesma orixe. Propiedades «diezmo a Dios» no Freixo nun documento de 1672 (franciscanas de Vigo)