Toponimia Valadares

T o p o n i m i a d o va l d e f r ag o s o : va l a da r e s 158 O substantivo común lavadoiro (< latín lavatorium , formado a par- tir do participio do verbo lavare cun sufixo correspondente ao latín - oriu que indica o instrumento que realiza ou o lugar onde se realiza a acción do verbo) presenta en toda a área suroccidental de Galicia a variante lavadouro , común ao portugués e diverxente do lavadoiro usual no resto de Galicia. Na parroquia de Valadares desígnase con este termo a construción destinada ao lavado da roupa, normalmente cunha pedra plana inclinada colocada á beira da pía da auga, se ben tamén se emprega r ío como sinónimo de lavadouro ou lavadoiro , igual que sucede no resto do Val de Fragoso e noutras áreas. Un plural Os Lavadouros nomea unha área boscosa no barrio da Sobreira, a ambos os lados da avenida de Clara Campoamor, por de- baixo de Vales. Os diferentes lavadoiros que hai na parroquia denomínanse me- diante un composto onde o segundo elemento se refire á zona en que se sitúan ou á fonte que os fornece de auga (  Fonte ). Na cartografía e noutras fontes recentes atop ámolos indistintamente coa variante es - tándar do substantivo ( lavadoiro ) ou coa variante local: Lavadouro da Simona , O Lavadouro de Vales , O Lavadoiro do Canizo , O Lavadoiro dos Mangales … No caso do topónimo O Río das Cortes (  ) emprégase río tamén para designar o lavadoiro. No Catastro de Ensenada rexístrase sempre a variante en - ouro nos topónimos Lavadouros e Cal do Lava- douro , a forma tradicional nesta zona. Laxe — — A da Laxe (O Freixo) Laxe é un termo común galego de orixe prerromana, probablemente un celtismo, que se rexistra no latín medieval como lagena , esdrúxulo, e designa grandes pedras planas na superficie da terra. Ten moita pre- senza na toponimia de toda Galicia. En Valadares témolo no topónimo A da Laxe , nome aplicado a uns campos de labor e de vivendas no barrio do Freixo, entre A Ermida e O Regueiro. Leira — — A Leira (As Barrocas) — — A Leira (A Garrida)