Toponimia Valadares

T o p o n i m i a d o va l d e f r ag o s o : va l a da r e s 134 A Fonte da Raposa (  Raposo ), no barrio da Garrida, xunto á es- trada da Costa, sitúase nunha zona de campos de labor e de vivendas. A Fonte da Simona (  Simón ), no camiño do mesmo nome, atópase na zona da Simona, no barrio do Carregal. A Fonte da Torre (  Torre ), no barrio da Igrexa, sitúase entre os ca- miños de Quinta e da Marquesa. A Fonte da Valada está na área do mesmo nome (  Valo ), no barrio do Portal. Na Fonte da Vila , a fonte suscitou o nome do núcleo habitado, un grupo de vivendas con campos de labor, no barrio do Portal. O com- plemento «da Vila» ten enorme presenza na onomástica da parroquia; no seu uso como apelido toponímico desde a Idade Media ( da Vila, Davila ), en certa medida pode interpretarse como equivalente a de Va- ladares . Neste topónimo concreto é difícil saber se o complemento do nome da fonte é propiamente xeográfico ou contén unha referencia ao apelido dos habitantes, dado que os que rexistramos na documentación histórica son portadores dese apelido; no Catastro de Ensenada a veci- ña chamada Beatris da Vila reside na Fonte da Vila , nunha casa metade dun alto e metade terreña (  Vila ). Consta nalgunhas fontes escritas unha Fonte das Almitoas ou Fonte das Mitoas (  Mitón ), posiblemente unha denominación alternativa da Fonte de Peimallo . A Fonte das Barrocas (  Barroca ) atópase no núcleo do mesmo nome, uns metros antes de chegar á estrada do Souto. É unha fonte dun cano, con pía de pedra e lavadoiro con teito. A súa auga é dun manancial que proviña dos montes Alba e O Cepudo, pero secou por captación privada, circunstancia que se resolveu grazas aos regantes das Cans, que cederon parte do seu manancial, e á insistencia do cen- tro veciñal e da comunidade de montes. A Fonte das Cans (  Cal ), no barrio das Barrocas, ao leste da á rea de lecer das Cans, na zona do mesmo nome, As Cans, é unha fonte dun cano cun lavadoiro en pedra, rústico, sen teitar. Na parte alta hai unha presa para regar e outra presa con muros de formigón desde o lavadoiro cara á parte baixa. A auga é de manancial que vén dos montes Alba e Cepudo. A Fonte das Cortes (  Corte ), na zona do mesmo nome no barrio do Portal. É unha fonte de dous canos nun lavadoiro con teito e pedras de lavado a man.