Toponimia Valadares

T o p o n i m i a d o va l d e f r ag o s o : va l a da r e s 106 A Cavada da Costiña é unha zona de prados e de arboredo á beira da Veiguiña, en San Xoán do Freixo, na estrema noroeste da parroquia, ao sur do Regueiro de Cartas. Moito menos frecuente na toponimia é o derivado de costa co sufixo correspondente ao latín - ale , Costal , característico do suroeste galego. O Nomenclátor de Galicia recolle tres entidades de poboación chamadas O Costal , nos concellos pontevedreses de Covelo, Mondariz e Vilaboa, e en toda a zona tudense é frecuente na microtoponimia. En Valadares, O Costal (nos mapas tamén consta como Costal-Peimallo ) é unha área de mato e de arboredo nas ladeiras nordeste do monte Alba, no barrio das Barrocas. No Catastro de Ensenada e no Libro de afanegados consta tamén na parroquia un lugar denominado Costal-Simona ( O Costal da Simona ?) no barrio do Carregal, cualificado como labradío e piñeiral, e outro Costal de Beirán , na estrema norte da parroquia, próximo ao núcleo habitado de Beirán, que pertence á parroquia de Matamá. Os derivados de costa cos sufixos - eiro e - eira tamén están presentes en Valadares: A Costeira é unha área de terras de labor, mato e arboredo ao norte do lugar do Portal, no barrio deste nome. No Catastro de Ensenada e no Libro de afanegados caracterí zana como labradío de secaño e de regadío de segunda e viña de segunda e de terceira. O topónimo xa aparece mencionado hai máis de catrocentos anos na documentación do preito do lugar do Portal (1587-1593): Longa da Costeira , Campo da Costeira , So a Costeira . Nas mesmas fontes escritas rexístrase outro topónimo idéntico coa forma Costeira-Sueido no barrio do Freixo. Se é o mesmo que tamén se documenta como Costa da Areíña , quizais podemos identificalo coa actual Costariña , próxima ás áreas chamadas A Areíña e Sueido . O Costeiro é o nome dunha á rea de mato e de arboredo en San Xoán, no Freixo, ao sur do Malladeiro e do Santo. Costas, Xan  Xan Constanza — — A Constanza / A Costanza (A Garrida) A Constanza ou A Costanza é unha zona de prados, mato e viven-