Toponimia do Val do Fragoso - Comesaña

149 T o p ó n i m o s Xunqueira, A Espazo ocupado polo campo de fútbol de Comesaña no barrio de Muíños e arredores. Palabra con orixe no latín iuncum ‘xunco’. A Xunqueira é un lugar onde abundan os xuncos, normalmente terreos que a marea ao subir asolagaba e estaban sempre moi húmidos. É común entre os e as falantes da parroquia empregar a variante xungo que converte o topónimo en A Xungueira . É probable que desta forma proveña o nome dunhas terras situadas no barrio das Pereiras chamadas A Xangueira . «... María Benita do Pazo viuda de Juan de Comesaña y consortes deven pagar anualmente doze misas resadas y una quartilla de aceyte que fundó (...) sobre el campo da Junquera .» (1799-1872, AHD, Libro de Colecturía, f. 9v) «un sexto de monte (...) al sitio de Junqueira » (1752, CME, Leigos, f. 627r) «seis ferrados de monte primera calidad al sitio de Junqueira grande linda a leste y norte [con] río...» (1752, CME, Leigos, f. 803r) «la leyra de heredad de Junqueyras » (AHMV, Memorial, 1772, f. 5r)