Actividades

• 

  24 de febreiro: Día de Rosalía, 2017

  REMATADA

  En Santiago de Compostela, no Camiño Novo (hoxe Rosalía de Castro), nacía o 24 de febreiro de 1837 María Rosalía Rita, figura sobranceira das nosas letras, do noso renacer como pobo, feminista, intelectual e defensora da terra e lingua de noso.
  
  O Concello de Vigo proclamou o 24 de febreiro como Día de Rosalía na nosa cidade (na que viviu e publicou "Cantares Gallegos"), e organiza diferentes actos na súa honra.
  
  A Concellaría de Normalización Lingüística vai levar a cabo distintas actividades ao longo dos próximos días: lecturas de poemas, conferencias, paseo literario...
  
  As actividades terán lugar os días 18, 20 e 23 de febreiro.
  
  

  Ver máis
• 

  Curso de auga doce, xaneiro-febreiro 2017

  REMATADA

  O obxectivo do curso é achegarse á lingua galega a través do curso dun río.
  Non é un curso de galego se por iso entendemos gramática, ortografía, sintaxe... Mais si é unha acción formativa do galego xa que imos ampliar o noso coñecemento da lingua propia de Galicia.
  A auga doce será o fío condutor desta actividade, que nos levará polo léxico, a fraseoloxía ou a toponimia, baixo varios bloques temáticos:
  Auga e relevo
  Auga e vida
  Auga e aproveitamento tradicional
  Auga e fogar
  Auga, saúde e lecer
  
  Achegarémonos á realidade de Vigo na súa copiosa relación coa auga (neste caso auga doce): ríos e regueiros, hidronimia, muíños, bosques de ribeira, rituais relacionados coa auga...
  O curso remata cunha saída a uns muíños vigueses e a un bosque de ribeira.
  
  

  Ver máis
• 

  Obradoiro de escrita creativa para rapazada, novembro 2016

  REMATADA
  As concellarías de Normalización e Xuventude organizan este obradoiro para a rapazada entre 10 e 12 anos.
  Obradoiro gratuíto.
  
  

  Ver máis
• 

  CIOV-Obradoiro de Slam, outubro 2016

  REMATADA
  As concellarías de Normalización Lingüística e Xuventude van levar a cabo un obradoiro de Slam, de 5 horas, impartido por Silvia Penas
  
  

  Ver máis
• 

  Percorrido guiado pola toponimia da parroquia de Sárdoma, setembro 2016

  REMATADA
  O sábado, 17 de setembro, terá lugar un percorrido guiado pola parroquia de Sárdoma para coñecer a toponimia da zona.
  
  Punto de saída: alameda de Sárdoma (ao carón da igrexa de san Pedro de Sárdoma)
  Hora: 17:00
  
  
  

  Ver máis

• 20.000 leguas nas ondas do mar de Vigo, setembro 2016

  REMATADA, prazas completas
  Paseo literario pola ría de Vigo, 17 de setembro
  
  

  Ver máis
• 

  Paseo literario "A praia dos afogados", xuño 2016

  REMATADA. Completas todas as prazas
  A Concellaría de Normalización Lingüística organiza un novo paseo literario e toponímico polos areais vigueses ata Panxón. O traxecto farase en autobús.
  
  Sábado, 18 de xuño de 2016
  
  Para reservar praza: deben chamar ao teléfono 986 81 02 81 a partir das 10:00 do día 13 de xuño
  
  

  Ver máis
• 

  Cursos do Centro de Interpretación da Oralidade de Vigo-CIOV, outubro-novembro-decembro 2015

  REMATADA
  A Concellaría de Normalización Lingüística, a través do CIOV, inicia un novo curso de achegamento á improvisación oral.
  Tal e como vimos facendo noutros anos, as aulas van programarse neste primeiro trimestre do curso 2015-2016, entre os meses de outubro a decembro en horario de tarde.
  O CIOV está no camiño do Chouzo, 2, no Instituto Municipal de Educación (IME).
  
  
  

  Ver máis
• 

  Paseos polo Vigo literario, outubro-novembro 2015

  REMATADA
  A Concellaría de Normalización Lingüística e a Asociación de Escritoras e Escritores en Lingua Galega organizan 3 “Paseos polo Vigo literario”
  
  Horario: todos os paseos teñen a saída ás 11:30
  
  1.-Sábado, 17 de outubro, roteiro guiado por Marta Dacosta. Saída desde Paseo de Afonso XII (no extremo de Pi i Margall) COMPLETO
  
  2.-Sábado, 24 de outubro, roteiro guiado por Fran Alonso. Saída da rúa García Barbón ao pé das escaleiras que soben a Alfonso XIII COMPLETO
  
  3.-Sábado, 7 de novembro, roteiro guiado por Fran P. Lorenzo. Saída da rúa Privada Moderna COMPLETO
  
  Para se inscribir deben enviar os seus datos (nome completo e teléfono) ao correo electrónico actividades.snl@vigo.org (deben indicar a cal/es paseo/s irán), a partir do día 10 de outubro (inclusive) dende ás 10:00
  Inscrición por orde de chegada do correo. Prazas limitadas: 50
  
  

  Ver máis

• «
• 1
• 2
• 3
• 4
• 5
• 6
• 7
• 8
• 9
• »